മുംബൈ: വിചിത്രമായ അനുഭവത്തിലൂടെ യുവാവിന്റെ ആത്മഹത്യ അയര്ലണ്ടിലിരുന്ന് ഫെയ്സ്ബുക്ക് ജീവനക്കാരന് തടഞ്ഞു. മുംബൈയിലെ 23 കാരനാണ് തന്റെ ഫെയ്സ്ബുക്ക് ലൈവിലൂടെ ആത്മഹത്യ ചെയ്യാന് തീരുമാനമെടുത്ത് അതിന്റെ ഒരുക്കങ്ങള് തുടങ്ങിയത്.
മുംബൈയിലെ ധൂലെ സ്വദേശിയോയ ധ്യാനേശ്വര് പാട്ടീല് എന്ന യുവാവാണ് ഫെയ്സ്ബുക്ക് ലൈവില് വന്ന് ആത്മഹത്യയ്ക്കുള്ള ശ്രമം നടത്തിയത്. സംഭവം നടക്കുന്നത് ഞായറാഴ്ച രാത്രി 18 മണിയോടെയാണ്. ഡ്യൂട്ടിയിലുണ്ടായിരുന്ന അയര്ലണ്ടിന്റെ ഫെയ്സ്ബുക്ക് ജീവനക്കാരനാണ് ധ്യാനേശ്വര് ആത്മഹത്യയ്ക്ക് ശ്രമിക്കുന്നത് ശ്രദ്ധയില്പെട്ടത്. ഉടനെ തന്നെ അദ്ദേഹം മുംബൈയിലെ സൈബര് പോലീസിനെ വിവരം അറിയിക്കുകയായിരുന്നു.
തുടര്ന്ന് സൈബര് പോലീസ് കൃത്യമായ സ്ഥലം മനസിലാക്കുകയും നാസിക് എസ്.പിയെ വിളിച്ച് യുവാവ് ആത്മഹത്യ ചെയ്യുവാന് പോവുന്നുവെന്ന വാര്ത്ത കൈമാറി. ഉടനെ പോലീസ് ഒന്പതു മണിയോടെ യുവാവിന്റെ വിട്ടിലെത്തി യുവാവിനെ ആശുപത്രിയിലെത്തിക്കുകയാണുണ്ടായത്. ഉടനെ തന്നെ യുവാവിനെ തീവ്രപരിചരണ വിഭാഗത്തില് അഡ്മിറ്റ് ചെയ്തു. ഇപ്പോള് അപകട നില തരണം ചെയ്തതായി മുംബൈ പോലീസ് വ്യക്തമാക്കി. യുവാവ് ആത്മഹത്യ ശ്രമം നടത്തുന്ന സന്ദര്ഭത്തില് മദ്യപിച്ചിരുന്നതായും പോലീസ് വ്യക്തമാക്കി.