കോട്ടയം: രാജന് പി. ദേവിന്റെ മകന് ഉണ്ണി പി. ദേവ് ഭാര്യ പ്രിയങ്കയുടെ ആത്മഹത്യാ കേസില് കസ്റ്റഡിയില്. ലാണ് കസ്റ്റഡി. നെടുമങ്ങാട് ഡി.വൈ.എസ്.പി അങ്കമാലിയില് നിന്നാണ് ഉണ്ണിയെ കസ്റ്റഡിയിലെടുത്തത്. പ്രിയങ്കയുടെ മരണത്തിൽ ദുരൂഹതയുണ്ടെന്ന് യുവതിയുടെ കുടുംബം നേരത്തെ ആരോപിച്ചിരുന്നു.
ഗാര്ഹിക പീഡനമാണ് പ്രിയങ്കയുടെ ആത്മഹത്യക്ക് കാരണമെന്നാണ് ബന്ധുക്കള് ആരോപിക്കുന്നത്. പ്രിയങ്കയെ മർദ്ദിച്ചതിന്റെ ദ്യശ്യങ്ങൾ ബന്ധുക്കൾ പൊലീസിന് കൈമാറിയിരുന്നു. മരിക്കുന്നതിന് തൊട്ട് മുൻപ് ഉണ്ണിക്കും കുടുംബത്തിനും എതിരെ പ്രിയങ്ക പൊലീസിൽ പരാതി നൽകിയിരുന്നു. മേയ് 12 നാണ് പ്രിയങ്കയെ തൂങ്ങിമരിച്ച നിലയില് കണ്ടെത്തിയത്.
മരണത്തെ തുടർന്ന് പ്രിയങ്കയുടെ സഹോദരന്റെ പരാതിയിലാണ് പൊലീസ് കേസെടുത്ത് അന്വേഷണം ആരംഭിച്ചത്. ഭർത്താവുമായുള്ള പ്രശ്നങ്ങളെ തുടർന്ന് മരിക്കുന്നതിന് ഒരു ദിവസം മുമ്പാണ് പ്രിയങ്ക വെമ്പായത്തെ സ്വന്തം വീട്ടിലെത്തിയത്. ഭര്ത്താവ് ഉണ്ണിയ്ക്കെതിരേ മരിക്കുന്നതിന്റെ തലേന്ന് പ്രിയങ്ക വട്ടപ്പാറ പോലീസ് സ്റ്റേഷനില് പരാതി നല്കിയിരുന്നു. സ്ത്രീധനം കുറഞ്ഞുപോയെന്ന് പറഞ്ഞ് ഉണ്ണി തന്നെ നിരന്തരം മര്ദ്ദിക്കുന്നതായി പ്രിയങ്ക പരാതിയിൽ പറഞ്ഞിരുന്നു.
2019 നവംബർ 21 നായിരുന്നു പ്രിയങ്കയുടെയും, ഉണ്ണിയുടെയും വിവാഹം.