ബെക്സ്ഹിൽ: യുകെയിൽ സ്റ്റാഫ് നഴ്‌സായിരുന്ന മലയാളി യുവതി മരണപ്പെട്ടു. യുകെയിലെ എൻഎച്ച്എസ് ഹോസ്പിറ്റലിൽ സ്റ്റാഫ് നഴ്സായ നിമ്യ മാത്യൂസ് (34) ആണ് മരിച്ചത്.
കഴിഞ്ഞ ഞായറാഴ്ച ജോലിക്കിടെ കുഴഞ്ഞുവീണതിനെ തുടർന്ന് നിമ്യയെ അടിയന്തര വിഭാഗത്തിൽ ചികിത്സയിൽ പ്രവേശിപ്പിച്ചിരുന്നു. തലയിൽ ട്യൂമറാണെന്ന് വിദഗ്ധ പരിശോധനയിൽ കണ്ടെത്തി. തിങ്കളാഴ്ച രാത്രിയോ ബ്രൈറ്റണിലെ എൻഎച്ച്എസ് ആശുപത്രിയിൽ ശസ്ത്രക്രിയയ്ക്ക് വിധേയയാക്കിയിരുന്നു.
ഗുരുതരാവസ്ഥയിൽ ചികിത്സയിൽ കഴിയുന്നതിനിടെ ചൊവ്വാഴ്ചയാണ് മരണം സംഭവിച്ചത്.
ജനുവരിയിലാണ് നിമ്യ യുകെയിലെത്തിയത്. മൂവാറ്റുപുള വാഴക്കുളം സ്വദേശിയായ ഭർത്താവ് ലിജോ ജോർജും മൂന്നര വയസ്സുള്ള മകനും അടുത്തിടെയാണ് യുകെയിലെത്തിയത്.
