വിശാഖപട്ടണം: ബോളിവുഡ് താരം സുശാന്ത് സിങ് രാജ്പുത് ജീവനൊടുക്കിയത് സഹിക്കാനാവാതെ 21കാരിയായ ആരാധിക ആത്മഹത്യ ചെയ്തു.വിശാഖപട്ടണത്തെ ഒരു സ്വകാര്യ സ്‌കൂളില്‍ അധ്യാപികയായ ആരാധികയാണ് ജീവനൊടുക്കിയത്.
സുശാന്തിന്റെ മരണം അറിഞ്ഞതിന് ശേഷം നടന്‍ അഭിനയിച്ച വീഡിയോ രംഗങ്ങള്‍ തുടര്‍ച്ചയായി ഇവര്‍ കാണാറുണ്ടായിരുന്നു. വിഷാദത്തിലേക്കും കടന്നിരുന്നു. തന്റെ റൂമിനകത്തെ ഫാനില്‍ തൂങ്ങിമരിക്കുകയായിരുന്നുവെന്ന് കുടുംബാംഗങ്ങള്‍ പറഞ്ഞു.
മരണത്തിന് ശേഷം സുശാന്തിന്റെ വീഡിയോകള്‍ തുടര്‍ച്ചയായി കണ്ടിരുന്ന ഇവര്‍ വിഷാദത്തിലായിരുന്നു. വീട്ടില്‍ എല്ലാവരും ഉള്ളപ്പോള്‍ തന്നെ ബെഡ്‌റൂമിനകത്തേക്ക് പോവുകയായിരുന്നു. പിന്നീട് തൂങ്ങിമരിച്ച നിലയില്‍ കാണപ്പെടുകയായിരുന്നുവെന്ന് പൊലീസ് കമ്മീഷണര്‍ ടി. മോഹന്‍ റാവു പറഞ്ഞു.
വരുമാനം കുറഞ്ഞ ജീവിതപശ്ചാത്തലമാണ് മരിച്ച അധ്യാപികയുടെത്. പിതാവ് ടെയിലര്‍ ആയിരുന്നു. എല്‍.പി സ്‌കൂള്‍ അധ്യാപികയായിരുന്നു.
