‘ഏലിയൻസ്’ സിനിമയിലൂടെ ശ്രദ്ധേയനായ താരം ജെയ് ബെനഡിക്ട്(68) കോവിഡ് ബാധിച്ച് മരിച്ചു. ഏപ്രിൽ 4 നാണ് ജെയ് അന്തരിച്ചത്. കോവിഡ് ബാധിച്ചതിനെ തുടർന്ന് കുറച്ചു നാളായി ചികിത്സയിലായിരുന്നു.
1986 ൽ പുറത്തിറങ്ങിയ ജെയിംസ് കാമറൂൺ ചിത്രം ഏലിയൻസിലൂടെയാണ് ജെയ് ശ്രദ്ധിക്കപ്പെടുന്നത്. ചിത്രത്തിൽ റസ്സ് ജോർദാൻ എന്ന കഥാപാത്രത്തെയാണ് ജെയ് അവതരിപ്പിച്ചത്.
കാലിഫോർണിയയിൽ ജനിച്ച ജെയ് ജോർദ്ദാൻ കുടുംബത്തോടൊപ്പം കുട്ടിക്കാലത്ത് തന്നെ യൂറോപ്പിലേക്ക് കുടിയേറുകയായിരുന്നു.
ഡാർക്ക് നൈറ്റ് റൈസസ് എന്ന ചിത്രത്തിലും ജെയ് വേഷമിട്ടിരുന്നു. നടിയായ ഫോബി സ്കോൾഫീൽഡാണ് ഭാര്യ. ലിയോപോൾഡ്, ഫ്രെഡ്ഡി എന്നിങ്ങനെ രണ്ട് കുട്ടികൾ ഇവർക്കുണ്ട്.