തിരുവനന്തപുരം : ബിഗ് ബോസ് ലൂടെയും വിവാദപ്രസ്താവന കളിലൂടെയും ഏറെ ശ്രദ്ധേയനായ രജിത്ത് കുമാർ നായകനായ സിനിമ വരുന്നു. സ്വപ്ന സുന്ദരി എന്ന് നാമകരണം ചെയ്യപ്പെട്ട സിനിമയുടെ നായിക ഡോക്ടർ ഷിനു ശ്യാമളൻ ആണ് .കെ ജെ ഫിലിപ് ആണ് ചിത്രത്തിൻറെ സംവിധായകൻ. ഇപ്പോൾ ചിത്രത്തിൻറെ ചിത്രീകരണം നടന്നുകൊണ്ടിരിക്കുന്നു.
ചിത്രീകരണത്തിനിടയിൽ തേയിലത്തോട്ടത്തിൽ നടുക്ക് രജിത് കുമാർ നോടൊപ്പം ഡോക്ടർ ഷിനു ശ്യാമളൻ നിൽക്കുന്ന ചിത്രമാണ് ഇപ്പോൾ സോഷ്യൽ മീഡിയയിലൂടെ പുറത്തുവിട്ടിരിക്കുന്നത്. ഇതോടൊപ്പം തന്നെ ചിത്രത്തിന്റെ ഫസ്റ്റ് ലുക്ക് പോസ്റ്ററും പുറത്തുവിട്ടു.
ഡോക്ടർ ഷിനു ശ്യാമളെന്റെ ആദ്യത്തെ ചിത്രമാണ് സ്വപ്നസുന്ദരി . നിരവധി ആരോഗ്യ സംബന്ധമായ പോസ്റ്റുകളുടെയും ലേഖനങ്ങളിലൂടെയും സോഷ്യൽ മീഡിയയിൽ ഏറെ പ്രസിദ്ധി നേടിയ വ്യക്തിയാണ് ഡോക്ടർ ഷിനു ശ്യാമളൻ . ബുള്ളറ്റിനു മുകളിൽ കൂളിംഗ് ഗ്ലാസ് ഇട്ട് ഇരിക്കുന്ന രജിത് കുമാറിനെ ഫസ്റ്റ്ലുക്ക് പോസ്റ്റർ ഇതിനോടകം തന്നെ സോഷ്യൽ മീഡിയയിൽ ശ്രദ്ധിക്കപ്പെട്ടു കഴിഞ്ഞു.
