ഫ്രാൻസ്: ഹോളിവുഡ് സൂപ്പര്താരം എയ്ഞ്ചലീന ജോളിയുടേത് ലോകത്തിലെ ഏറ്റവും ചെലവേറിയ സെലിബ്രിറ്റി വീടുകളിൽ ഒന്നാണ്. ദക്ഷിണ ഫ്രാൻസിൽ 1,000 ഏക്കര് ഭൂമിയിലാണ് എയ്ഞ്ചലീന യുടെ വീട് സ്ഥിതി ചെയ്യുന്നത്. ദക്ഷിണ ഫ്രാൻസിൽ ആണ് എയ്ഞ്ചലീന ജോളി ആറ് മക്കളുമായി താമസിയ്ക്കുന്നത്. ഈ എസ്റ്റേറ്റ് ബംഗ്ലാവിന് 452.39 ലക്ഷം രൂപയാണ് വില. 2008 ലാണ് എയ്ഞ്ചലീന ജോളിയുടെ മുൻ ഭര്ത്താവ് ബ്രാഡ് പിറ്റാണ് ഈ ബംഗ്ലാവ് വാങ്ങുന്നത്.
പിന്നീട് ഇരുവരും ചേര്ന്ന് രൂപകൽപ്പന ചെയ്തെടുത്ത ഇപ്പോഴത്തെ ബംഗ്ലാവിൽ 35-ഓളം ബെഡ് റൂമുകൾ നല്ലൊരു തുക ചെലവഴിച്ച് ഇരുവരുടെയും ഇഷ്ടത്തിന് അനുസരിച്ച് ഇൻറീരിയര് ഡിസൈനും ചെയ്തിട്ടുണ്ട്. കൂടാതെ ബ്രാഡ് പ്രത്യേകം ഡിസൈൻ ചെയ്ത ഫര്ണിച്ചറുകളാണ് ഈ ബംഗ്ലാവിൽ ഉള്ളത്. ഫര്ണിച്ചറിന് മാത്രം ഏകദേശം 37,072,477 രൂപയോളം ചെലവായിട്ടുണ്ട്. ഇതിനുപുറമെ സ്വിമ്മിങ് പൂൾ, ബില്ല്യാഡ്സ് റൂം, ഇൻഡോര് പൂൾ, അത്യാധുനിക സൗകര്യങ്ങളോട് കൂടിയ ജിം തുടങ്ങി എല്ലാം ഈ ബംഗ്ലാവിലുണ്ട്.
വൈൻ യാര്ഡിനാലും കാടിനാലും ചുറ്റപ്പെട്ട സുന്ദരമായ ഒരു കൊച്ചു ഗ്രാമത്തിലാണ് ബംഗ്ലാവ് സ്ഥിതി ചെയ്യുന്നത്. റോമക്കാരുടെ കാലം മുതൽക്കെ (ബിസി 720-121) ഉള്ളതാണ് ഈ ബംഗ്ലാവ്. 20-ഓളം വാട്ടര് ഫൗണ്ടനുകളാണ് എസ്റ്റേറ്റിൽ ഉടനീളം ഉള്ളത്. തടാകവും കുളങ്ങളും ഒലിവ് കാടുകളും ചാപ്പലും ഒക്കെ എസ്റ്റേറ്റിൽ തന്നെയുണ്ട്. ഇതുനുപുറമെ പ്രത്യേക ഹെലികോപ്റ്റര് ലാൻഡിങ് പാഡുകളും എസ്റ്റേറ്റിൽ സജ്ജീകരിച്ചിട്ടുണ്ട്.