കൊച്ചി: പ്രിയദര്ശന് സംവിധാനം ചെയ്ത മരക്കാര് അറബിക്കടലിന്റെ സിംഹം തീയറ്ററിൽ തന്നെ റിലീസ് ചെയ്യുമെന്ന് അറിയിച്ച് മോഹൻലാൽ. ചിത്രം ഓഗസ്റ്റ് 12ന് തീയേറ്ററുകളിൽ റിലീസ് ചെയ്യുമെന്ന് മോഹന്ലാലും ആന്റണി പെരുമ്പാവൂറും ഫേസ്ബുക്കില് കുറിച്ചു.
കേരളത്തിലെ മുഴുവൻ തീയറ്ററുകളിലും റിലീസ് ചെയ്യാനാണ് തീരുമാനമെന്നും അവർ അറിയിച്ചു. പ്രിയദർശൻ സംവിധാനം ചെയ്ത മരക്കർ പതിനാറാം നൂറ്റാണ്ടിലെ ചരിത്രപരമായ ഒരു നാടകമാണ്. ഈ ചിത്രം ആദ്യം 2020 മാർച്ച് 26 ന് റിലീസ് ചെയ്യാൻ തീരുമാനിച്ചിരുന്നെങ്കിലും കൊറോണ വൈറസ് വ്യാപനം കാരണം ഒന്നിലധികം തവണ മാറ്റിവക്കുകയായിരുന്നു.
ഫേസ്ബുക്ക് കുറിപ്പ്:
‘സ്നേഹത്തോടെ, നിറഞ്ഞ മനസ്സോടെ പ്രതീക്ഷിക്കുകയാണ്, ഈ വരുന്ന ഓഗസ്റ്റ് 12ന്, ഓണം റിലീസ് ആയി ‘മരക്കാര് അറബിക്കടലിന്റെ സിംഹം’ നിങ്ങളുടെ മുന്നിലെത്തിക്കാന് ഞങ്ങള്ക്ക് കഴിയുമെന്ന്. അതിനു നിങ്ങളുടെ പ്രാര്ഥനയും പിന്തുണയും ഉണ്ടാകുമെന്ന വിശ്വാസത്തോടെ ഞങ്ങള് മുന്നോട്ട് നീങ്ങുന്നു,’.