മുംബൈ: മദ്യപിച്ചു വാഹനം ഓടിച്ചതിനും പൊലീസിനെ അധിക്ഷേപിച്ചതിനും നടി കാവ്യ ഥാപ്പറിനെ (26) പൊലീസ് അറസ്റ്റ് ചെയ്തു. മദ്യപിച്ച് നിയന്ത്രണം കിട്ടാതെ, വ്യാഴാഴ്ച പുലർച്ചെ ഒന്നിന് ജുഹുവിലെ ജെഡബ്ല്യു മാരിയറ്റ് ഹോട്ടലിനു സമീപമുള്ള കടയിലേക്ക് ഇവരുടെ വാഹനം ഇടിച്ചു കയറി ഒരാൾക്ക് പരുക്കേറ്റിരുന്നു.
സംഭവ സ്ഥലത്തെത്തിയ പൊലീസിനോടു നടി അസഭ്യം പറയുകയും തട്ടിക്കയറുകയും ചെയ്തു. പൊലീസ് അറസ്റ്റു ചെയ്ത് കോടതിയിൽ ഹാജരാക്കിയ കാവ്യയെ ജുഡിഷ്യൽ കസ്റ്റഡിയിൽ വിട്ടു. കാവ്യയുടെ വാഹനം ഇടിച്ച് പരുക്കേറ്റയാളെ പൊലീസ് ആശുപത്രിയിൽ എത്തിച്ചു. തമിഴ്, തെലുങ്കു ചിത്രങ്ങളിൽ കാവ്യ അഭിനയിച്ചിട്ടുണ്ട്.