ഷിംല: ഹിമാചല് പ്രദേശിലെ കിന്നൗറില് മണ്ണിടിചിലിൽ ഒരു ബസ്സും ട്രക്കും മണ്ണിനടിയില്പ്പെട്ടു. കിന്നൗറിലെ റെകോംഗ് പിയോ-ഷിംല ഹൈവേയിലേക്ക് മണ്ണിടിഞ്ഞ് വീഴുകയായിരുന്നു. ബസില് നാല്പതോളം പേരുണ്ടായിരുന്നുവെന്നാണ് റിപ്പോർട്ട്.
ഇന്നുച്ചയോടെയാണ് അപകടം സംഭവിച്ചത്. രക്ഷാപ്രവര്ത്തനം പുരോഗമിക്കുകയാണ്. കഴിഞ്ഞ ആഴ്ചകളിലായി കനത്ത മഴയെ തുടര്ന്ന് ഹിമാചല് പ്രദേശിൽ മണ്ണിടിച്ചിലില്പ്പെട്ട് 9 പേര് മരിച്ചിരുന്നു. സംഭവസ്ഥലത്ത് പൊലീസിനെയും ഹോംഗാര്ഡുകളെയും രക്ഷാപ്രവര്ത്തകരെയും വിന്യസിച്ചിട്ടുണ്ട്.