ലഖ്നൗ: ഹാത്രാസില് ദളിത് പെണ്കുട്ടി കൂട്ടബലാത്സംഗത്തിനിരയായി കൊല്ലപ്പെട്ട സംഭവം ഉത്തര് പ്രദേശ് പോലീസില്നിന്ന് സി.ബി.ഐ. ഏറ്റെടുത്തു. ദലിത് പെണ്കുട്ടിയെ ബലാത്സംഗം ചെയ്ത് കൊലപ്പെടുത്തിയ സംഭവത്തില് രാജ്യവ്യാപകമായി പ്രതിഷേധം ഉയരുന്നതിനിടെയാണ് മുഖ്യമന്ത്രി യോഗി ആദിത്യനാഥ് സി.ബി.ഐ അന്വേഷണം പ്രഖ്യാപിച്ചത്.
ഇരുപതുകാരിയായ ദളിത് പെൺകുട്ടി സെപ്റ്റംബര് 14നാണ് കൂട്ടബലാത്സംഗത്തിനും ക്രൂരപീഡനത്തിനും ഇരയായത്. ആക്രമണത്തില് ഗുരുതരമായി പരിക്കേറ്റ പെണ്കുട്ടി ആശുപത്രിയിൽ ചികിത്സയിലിരിക്കെ സെപ്റ്റംബർ 29ന് മരിച്ചു.
യു.പി പൊലീസ് പെണ്കുട്ടിയുടെ മൃതദേഹം അര്ധരാത്രി വീട്ടുകാരുടെ സമ്മതം കൂടാതെ സംസ്കരിച്ചതും, പെണ്കുട്ടിയുടെ കുടുംബത്തെ വീട്ടുതടങ്കിലാക്കിയതുമുള്പ്പെടെയുള്ള വിഷയങ്ങള് വലിയ വിവാദങ്ങള്ക്ക് വഴിവെച്ചിരുന്നു.
രാജ്യത്തെ ഇടത് എം.പിമാരുടെ സംഘം ഇന്ന് ഹാഥറസ് പെൺകുട്ടിയുടെ കുടുംബാംഗങ്ങളെ സന്ദർശിക്കും. സി.പി.എം, സി.പി.ഐ, എൽ.ജെ.ഡി പാർട്ടികളുടെ എം.പിമാരാണ് ഹാഥറസ് പെൺകുട്ടിയുടെ വീട് സന്ദർശിക്കുക.