രാജ്യത്ത് കൊറോണ വൈറസ് പ്രതിസന്ധിയുടെ മാരകമായ രണ്ടാമത്തെ തരംഗത്തിൽ ആശുപത്രികളിൽ കിടക്കകളും ഓക്സിജനും ലഭ്യമാകാതിരിക്കുന്ന ഈ സാഹചര്യത്തിൽ,ലോകമെമ്പാടുമുള്ള രാജ്യങ്ങൾ കോവിഡ് -19 വ്യാപിക്കുന്നത് തടയാൻ യാത്രാ വിലക്കും നിയന്ത്രണങ്ങളും പ്രഖ്യാപിച്ചു.
ഇന്ത്യയിൽ നിന്ന് വരുന്ന വിമാനങ്ങൾക്ക് വിലക്ക് പ്രഖ്യാപിച്ച 11 രാജ്യങ്ങളിൽ ഒന്നായി യുഎഇ മാറി. ഇന്ത്യയിൽ ബുധനാഴ്ച രണ്ടായിരത്തിലധികം കോവിഡ് മരണങ്ങളും 300,000 പുതിയ കേസുകളും റിപ്പോർട്ട് ചെയ്തു. പകർച്ചവ്യാധി ആരംഭിച്ചതിന് ശേഷമുള്ള ലോകത്തിലെ ഏറ്റവും വലിയ ദൈനംദിന മരണങ്ങളിൽ ഒന്നാണ് ഇതെന്നാണ് ഔദ്യോഗിക കണക്കുകൾ.
പാകിസ്ഥാൻ, യു എസ് എ, യു കെ, ന്യൂസിലൻഡ്, ഹോങ് കോങ്, സിംഗപ്പൂർ, ഒമാൻ, ഫ്രാൻസ്, യു എ ഇ, സൗദി അറേബ്യ, കാനഡ എന്നീ 11 രാജ്യങ്ങളാണ് ഇന്ത്യയിലെ യാത്രക്കാർക്ക് വിലക്കേർപ്പെടുത്തിയത്.
