വെള്ളിയാഴ്ച ജമ്മു കശ്മീരിൽ നടന്ന രണ്ട് വ്യത്യസ്ത ഏറ്റുമുട്ടലുകളിൽ അഞ്ച് തീവ്രവാദികളെ സുരക്ഷാ സേന വധിച്ചു. ഏറ്റുമുട്ടലിനിടെ നാല് സൈനികർക്കും പരുക്കേറ്റു. ഇന്നലെ രാത്രിയോടെയാണ് ഷോപിയാനിൽ ഏറ്റുമുട്ടൽ ആരംഭിച്ചത്. ഷോപിയാനിൽ മൂന്ന് ഭീകരരെയും, ത്രാലിൽ രണ്ട് ഭീകരരേയുമാണ് സുരക്ഷാസേന വധിച്ചത് .
ഷോപ്പിയൻ ജില്ലയിൽ സുരക്ഷാ സേന 12 മണിക്കൂറിലധികം തീവ്രവാദികളുമായി ഏറ്റുമുട്ടിയെന്നാണ് റിപ്പോർട്ട്. ഷോപിയൻ ജില്ലയിലെ തീവ്രവാദികളിൽ നിരോധിത തീവ്രവാദ സംഘടന അൻസാർ ഗസ്വത്-ഉൽ-ഹിന്ദ് (ജെഎം) ഉൾപ്പെടുന്നു.