തിരുവനന്തപുരം: നെയ്യാറ്റിൻകര മാരായമുട്ടത്ത് അമ്മയെ കൊലപ്പെടുത്തിയ ശേഷം മകൻ ജീവനൊടുക്കി. മാരായമുട്ടം ആങ്കോട് സ്വദേശി വിപിനാണ് അമ്മ മോഹനകുമാരിയെ കഴുത്തറുത്ത് കൊലപ്പെടുത്തിയ ശേഷം സ്വയം തൂങ്ങി മരിച്ചത്. അമ്മയുടെ മൃതദേഹം കിടപ്പുമുറിയിലെ കട്ടിലിലും മകന്റെ മൃതദേഹം അടുത്ത മുറിയിലുമാണ് കണ്ടെത്തിയത്.
ഇന്ന് രാവിലെ സംഭവം അറിഞ്ഞതിനെ തുടർന്ന് തുടർന്ന് പൊലീസിനെ വിവരം അറിയിക്കുകയായിരുന്നു. പൊലീസെത്തി നടത്തിയ പരിശോധനയിൽ ആത്മഹത്യാ കുറിപ്പ് കണ്ടെത്തി. സംഭവത്തിന് പിന്നിൽ കുടുംബപ്രശ്നമാണ് എന്നാണ് പ്രാഥമിക നിഗമനം.