കണ്ണൂർ: സിപിഎം പാർട്ടി കോൺഗ്രസിന്റെ ഭാഗമായുള്ള സെമിനാറിൽ പങ്കെടുക്കാനുള്ള മുതിർന്ന കോൺഗ്രസ് നേതാവ് കെ.വി.തോമസിന്റെ തീരുമാനം സ്വാഗതാർഹമെന്ന് സിപിഎം കണ്ണൂർ ജില്ലാ സെക്രട്ടറി എം.വി.ജയരാജന്‍. വിലക്കെല്ലാം ലംഘിച്ച് കെ.വി.തോമസ് എത്തുന്നത് സന്തോഷകരം. ബിജെപി സർക്കാരിനെ തുറന്നുകാട്ടാനുള്ള കെ.വി.തോമസിന്റെ തീരുമാനമാണ് ശരി. സെമിനാറിൽ പങ്കെടുത്താൽ പുറത്താക്കുമെന്ന കോൺഗ്രസ് നിലപാട് ദൗർഭാഗ്യകരമെന്നും അദ്ദേഹം പറഞ്ഞു.
കൊച്ചിയിൽ നടത്തിയ വാർത്താസമ്മേളനത്തിൽ സിപിഎം സെമിനാറിൽ പങ്കെടുക്കുമെന്ന് കെ.വി.തോമസ് വ്യക്തമാക്കിയിരുന്നു. ദേശീയ പ്രാധാന്യമുള്ള സെമിനാറാണ് നടക്കാൻ പോകുന്നതെന്നും സെമിനാറിൽ പങ്കെടുത്ത് പറയാനുള്ളത് പറയുമെന്നും അതിനായി നോട്ട് തയാറാക്കിയിട്ടുണ്ടെന്നും കെ.വി.തോമസ് പറഞ്ഞു.
