ദുബായ്: ട്വന്റി 20 ലോകകപ്പില്‍ ഗ്രൂപ്പ് രണ്ടില്‍ വെള്ളിയാഴ്ച നടക്കുന്ന പോരാട്ടത്തില്‍ പാകിസ്താന്‍ അഫ്ഗാനിസ്താനെ നേരിടും. ഇന്നത്തെ മത്സരം ജയിക്കാനായാല്‍ പാക് നിര സെമി ഉറപ്പിക്കും. ഇന്ത്യന്‍ സമയം വൈകീട്ട് 7.30-ന് ദുബായ് രാജ്യാന്തര സ്റ്റേഡിയത്തിലാണ് മത്സരം. ദുബായില്‍ കൂടുതല്‍ മത്സരങ്ങള്‍ കളിച്ചതിന്റെ ആനുകൂല്യവും പാകിസ്താനുണ്ട്.
ഇന്ത്യയെ 10 വിക്കറ്റിനും ന്യൂസീലന്‍ഡിനെ അഞ്ച് വിക്കറ്റിനും തോല്‍പ്പിച്ച ആത്മവിശ്വാസത്തിലാണ് പാക് നിര.
