ഉമ്മു സുഖീം ഒന്നില്‍ നിന്ന് കാണാതായ നാല് വയസ്സുകാരനെ 40 മിനിറ്റിനുള്ളില്‍ കണ്ടെത്തി ദുബായ് പോലീസ്. മകനെ ഉമ്മ് സുകീം പ്രദേശത്ത് കാണാതായതിനെ തുടർന്ന് കുട്ടിയുടെ മാതാപിതാക്കൾ ദുബായ് പോലീസിനെ അറിയിച്ചതായി ദുബായ് പൊലീസിലെ ടൂറിസം പോളിസിംഗ് ഡയറക്ടർ കേണൽ മുബാറക് അൽ കെറ്റ്ബി പറഞ്ഞു.
മാതാപിതാക്കൾ അത്താഴം ഓർഡർ ചെയ്യുവാൻ പുറത്തുപോയപ്പോള്‍ സ്‌കൂട്ടറില്‍ കളിച്ചുകൊണ്ടിരിക്കവെയാണ് കുട്ടിയെ കാണാതായതെന്ന് അല്‍ കെത്ബി പറഞ്ഞു. കുട്ടിയെ കാണാതായ വിവരം ലഭിച്ചുടനെ പോലീസ് പട്രോളിങ് ആരംഭിച്ചിരുന്നു.
40 മിനിറ്റിനുള്ളില്‍ കുട്ടിയുടെ കണ്ടെത്താൻ പൊലീസിന് സാധിച്ചു. കുട്ടി മാതാപിതാക്കളുടെ അടുക്കല്‍ നിന്നും 3 കിമീ അകലെ ഉമ്മു സുഖീം 2 ല്‍ ആയിരുന്നു. കുട്ടിയെ കണ്ടെത്തുമ്പോള്‍ വിശന്നിരിക്കുകയായിരുന്നെന്ന് മാത്രമല്ല, ഭയന്ന് വിറച്ച് കരയുന്നുമുണ്ടായിരുന്നെന്ന്’ അല്‍ കെത്ബി കൂട്ടിച്ചേര്‍ത്തു.
