റിയാദ്: സൗദിയില് കൊവിഡ് 19 ബാധിച്ച് ഇന്ന് മൂന്ന് പേര് കൂടി മരിച്ചു. ഇതോടെ സൗദിയില് മരണസംഖ്യ 44 ആയി. ഇന്ന് മാത്രം 355 പേര്ക്ക് പുതുതായി രോഗബാധ സ്ഥിരീകരിച്ചു. 3287 പേര്ക്കാണ് സൗദിയില് രോഗം സ്ഥിരീകരിച്ചിട്ടുള്ളത്.
കുവൈത്തില് പുതുതായി 55 പേര്ക്ക് കൂടി കൊവിഡ് 19 സ്ഥിരീകരിച്ചു. ഇതോടെ കൊവിഡ് ബാധിതരുടെ എണ്ണം 910 ആയി. 37 പേര് ഇന്ത്യക്കാര്, ആറ് കുവൈത്ത് പൗരന്മാര്, രണ്ടു പാകിസ്ഥാനികള്, ആറു ബംഗ്ലാദേശികള്. ഒരു ഈജിപ്തുകാരന്, ഒരു ഇറാനി ഒരു സിറിയന്, ഒരു നേപ്പാള് പൗരന് ഇറാന് എന്നിവര്ക്കാണ് വ്യാഴാഴ്ച കൊവിഡ് 19 സ്ഥിരീകരിച്ചത്.
ഇവരില് 51 പേര്ക്ക് നേരത്തെ രോഗം സ്ഥിരീകരിച്ചവരുമായുള്ള സമ്പര്ക്കത്തിലൂടെ ആണ് രോഗം പകര്ന്നത്. 4 പേര്ക്ക് ഏതുവഴിയാണ് വൈറസ് പകര്ന്നതെന്ന് വ്യക്തമല്ല.
അതേസമയം ഖത്തറില് കൊവിഡ് 19 സ്ഥിരീകരിച്ചവരുടെ എണ്ണം 2376 ആയി. ഇന്ന് 166 പേര്ക്ക് കൂടി രോഗം സ്ഥിരീകരിച്ചു. പുതുതായി രോഗം സ്ഥിരീകരിച്ചവരില് പ്രവാസി തൊഴിലാളികളും ഉള്പ്പെടുന്നതായി ആരോഗ്യമന്ത്രാലയം സ്ഥിരീകരിച്ചു.