ജിദ്ദ: സൗദിയിൽ പെട്രോൾ വിലയിൽ വർദ്ധനവ്. പുതുക്കിയ നിരക്ക് സൗദി ആരാംകോ ഇന്നലെ രാത്രി പ്രഖ്യാപിച്ചു. ജൂലൈ 11 മുതൽ ആഗസ്ത് 10 വരെയുള്ള നിരക്കാണു പരിഷ്ക്കരിച്ചിട്ടുള്ളത്.
91 പെട്രോളിനു ലിറ്ററിനു 1:29 ആയിരിക്കും പുതിയ വില. നേരത്തെ ഇത് 0.98 ഹലാലയായിരുന്നു. 95 പെട്രോളിനു 1.44 ആയിരിക്കും പുതിയ നിരക്ക്. നേരത്തെ ഇത് 1.08 റിയാലായിരുന്നു.
ഡീസൽ ലിറ്ററിനു 0.52 ഹലാലയും മണ്ണെണ്ണ ലിറ്ററിനു 0.70 ഹലാലയും ആയിരിക്കും നിരക്ക്. ജൂലൈ 1 നു വാറ്റ് അടിസ്ഥാനമാക്കി പുതുക്കിയ നിരക്ക് തന്നെയാണു ഡീസലിനും മണ്ണെണ്ണക്കും നിശ്ചയിച്ചിട്ടുള്ളത്. വില വർദ്ധിപ്പിച്ചിട്ടില്ല.
വാറ്റ് 15 ശതമാനമാക്കിയ ശേഷം ജൂലൈ ഒന്നിനു സൗദിയിലെ പെട്രോൾ, ഡീസൽ, മണ്ണെണ്ണ അടക്കമുള്ള എല്ലാ ഇന്ധനങ്ങൾക്കും വാറ്റ് അടിസ്ഥാനമാക്കി വില വർദ്ധിപ്പിച്ചിരുന്നു.
