അബുദാബി: യുഎഇയിൽ പുതുതായി 276 പേർ കോവിഡ് 19 മുക്തരായതായും 216 പേർക്ക് രോഗം സ്ഥിരീകരിച്ചതായും ആരോഗ്യ–രോഗപ്രതിരോധ മന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ രണ്ടു പേരാണ് മരിച്ചത്. നിലവിലെ ആകെ രോഗികളുടെ എണ്ണം: 62,061. രോഗം ഭേദമായി ആശുപത്രി വിട്ടവർ: 56,015. മരണം: 356. ആശുപത്രിയിൽ ചികിത്സയിലുള്ളവർ: 5,690.
ഏപ്രിലിന് ശേഷം ഇൗ മാസം മൂന്നിന് യുഎഇയിൽ കോവിഡ് രോഗികളുടെ കാര്യത്തിൽ റെക്കോർഡ് കുറവ് രേഖപ്പെടുത്തിയരുന്നു–164 പേർ. ജൂലൈ 29ന് രേഖപ്പെടുത്തിയ 375 രോഗികളുടെ നേർപകുതിയിലും കുറവ്. പരിശോധനകൾ വൻതോതിൽ വർധിപ്പിച്ചതാണ് രോഗികൾ കുറയാൻ കാരണമായതെന്നാണ് കരുതുന്നത്. 518 ലക്ഷത്തിലേറെ പരിശോധനകളാണ് ഇതുവരെ നടത്തിയിട്ടുള്ളത്. പ്രവാസികളടക്കം ഒട്ടേറെ പേർക്ക് സൗജന്യമായാണ് പരിശോധന.