ഡബ്ലിൻ: അയർലണ്ടിലെ മലയാളി സമൂഹത്തിന്റെ ആഘോഷങ്ങൾക്ക് പുതിയൊരു അധ്യായം കുറിക്കാൻ ‘AARATTU 2026 – THE MEGA FESTIVAL’ ഒരുങ്ങുന്നു. IFA – Indian Family Association, TIC, Dundalk MA, DIRC, AIC ,ICC, TIIMS Ireland എന്നീ സംഘടനകൾ കൈകോർത്താണ് സെപ്റ്റംബർ 26ന് Gormanston Park-ൽ വിപുലമായ ആഘോഷമേള സംഘടിപ്പിക്കുന്നത്.
കലയും കായികവും വിനോദവും ഭക്ഷണവും ഷോപ്പിങ്ങും ഒരേ വേദിയിൽ സംഗമിക്കുന്ന രീതിയിലാണ് ആറാട്ട് 2026 ഒരുക്കിയിരിക്കുന്നത്. അയർലണ്ടിലെ കാലാവസ്ഥ ആഘോഷത്തെ ബാധിക്കാത്തവിധം വിശാലമായ ഇൻഡോർ ഹാളിനൊപ്പം വിപുലമായ ഔട്ട്ഡോർ സൗകര്യങ്ങളും വേദിയിൽ ഒരുക്കുന്നുണ്ട്.
കരുത്തിന്റെ പോരാട്ടവുമായി TIIMS International വടംവലി
ആറാട്ടിന്റെ പ്രധാന ആകർഷണങ്ങളിലൊന്നാണ് TIIMS International Tug of War Competition. ആഗോള വടംവലി രംഗത്ത് ശ്രദ്ധേയരായ മികച്ച ടീമുകൾ മാറ്റുരയ്ക്കുന്ന മത്സരത്തിൽ യൂറോപ്പിലെ തന്നെ മികച്ച സമ്മാനത്തുകകളിലൊന്നാണ് ഒരുക്കിയിരിക്കുന്നത്. കരുത്തും തന്ത്രവും ആവേശവും നിറയുന്ന വടംവലി പോരാട്ടം ആറാട്ടിന്റെ വേദിയെ ആവേശത്തിലാഴ്ത്തും.
ചുവടുകളിൽ തീപാറാൻ All Ireland Cinematic Dance Competition
അയർലണ്ടിന്റെ വിവിധ ഭാഗങ്ങളിൽ നിന്നുള്ള മികച്ച കലാപ്രതിഭകൾ മാറ്റുരയ്ക്കുന്ന All Ireland Cinematic Dance Competition ആറാട്ടിന്റെ മറ്റൊരു പ്രധാന ആകർഷണമാണ്. ഊർജസ്വലമായ ചുവടുകളും മികച്ച പ്രകടനങ്ങളും കൊണ്ട് വേദി നിറയുമെന്നാണ് സംഘാടകരുടെ പ്രതീക്ഷ.
ഫാഷന്റെ വർണവിസ്മയവുമായി All Ireland Fashion Show
സൗന്ദര്യം, സ്റ്റൈൽ, ആത്മവിശ്വാസം എന്നിവയുടെ ആഘോഷമായി All Ireland Fashion Show അരങ്ങേറും. വ്യത്യസ്തമായ അവതരണങ്ങളിലൂടെ ഫാഷൻ പ്രേമികൾക്ക് വേറിട്ട അനുഭവം സമ്മാനിക്കാനാണ് ഒരുക്കം.
ഇതിനൊപ്പം സംഗീതത്തിന്റെ മാസ്മരികതയുമായി DJ പ്രകടനങ്ങൾ, രുചിവൈവിധ്യങ്ങളുമായി വിവിധ Food Stalls, വൈവിധ്യമാർന്ന ഉൽപ്പന്നങ്ങളുമായി Shopping Stalls എന്നിവയും ആറാട്ടിന്റെ ഭാഗമാകും. കുടുംബങ്ങൾക്കും സുഹൃത്തുക്കൾക്കും ഒരുദിവസം മുഴുവൻ ആഘോഷിക്കാനും ആസ്വദിക്കാനും കഴിയുന്ന രീതിയിലാണ് പരിപാടികൾ ക്രമീകരിക്കുന്നത്.
വിശിഷ്ടാതിഥിയായി ചാണ്ടി ഉമ്മൻ എംഎൽഎ
ആറാട്ട് 2026-ന്റെ വേദിയിലേക്ക് കേരള രാഷ്ട്രീയത്തിലെ ശ്രദ്ധേയമായ യുവസാന്നിധ്യമായ ശ്രീ. ചാണ്ടി ഉമ്മൻ എംഎൽഎ വിശിഷ്ടാതിഥിയായി എത്തുന്നതും ഇത്തവണത്തെ ആഘോഷത്തിന്റെ പ്രത്യേകതയാണ്.
ഒരു ദിവസം… ഒരു വേദി… ഒരുപാട് വിസ്മയങ്ങൾ… എന്ന അനുഭവമാണ് ആറാട്ട് 2026 മലയാളികൾക്കായി ഒരുക്കുന്നത്.
സെപ്റ്റംബർ 26ന് കുടുംബത്തോടൊപ്പം വരാം, സുഹൃത്തുക്കളോടൊപ്പം വരാം. കലയും കായികവും സംഗീതവും രുചിയും നിറഞ്ഞ മഹാമേളയുടെ ഭാഗമാകാം.
ആഘോഷിക്കാം…
ആസ്വദിക്കാം…
ഒരുമിച്ച് ആറാടാം…
ആഘോഷങ്ങളുടെ അവസാനമല്ല, പുതിയൊരു തുടക്കമാകുകയാണ് AARATTU 2026.
📅 September 26, 2026
📍 Gormanston Park, Ireland
അപ്പോൾ എങ്ങനാ…?
സെപ്റ്റംബർ 26ന് ഗോർമൻസ്റ്റോൺ പാർക്കിൽ കാണാം!
Follow Us on Instagram!
GNN24X7 IRELAND :
https://www.instagram.com/gnn24x7.ie?igsh=YzljYTk1ODg3Zg==
Please join
https://chat.whatsapp.com/DMcx9ffd8nI5hZfAUsl96s?mode=hqrt3
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
