നാഷണൽ ന്യൂബോൺ ബ്ലഡ്‌സ്‌പോട്ട് സ്‌ക്രീനിംഗ് പ്രോഗ്രാമിന്റെ ഭാഗമായി നവജാത ശിശുക്കൾക്ക് Heel prick ടെസ്റ്റ്‌ എന്നറിയപ്പെടുന്ന സ്‌പൈനൽ മസ്‌കുലർ അട്രോഫി (SMA) പരിശോധണ ഉടൻ ആരംഭിക്കും. ഹീൽ പ്രിക് ടെസ്റ്റിൽ നിലവിൽ ഒമ്പത് അപൂർവവും ഗുരുതരവുമായ രോഗങ്ങൾക്കുള്ള പരിശോധന ഉൾപ്പെടുന്നു. നവജാതശിശുക്കൾ ജനിച്ച് കുറച്ച് ദിവസങ്ങൾക്ക് ശേഷം അവരുടെ കാലിൽ നിന്ന് രക്തമെടുത്താണ് പരിശോധന നടത്തുന്നത്. ഈ ലിസ്റ്റിലേക്ക് SMA ചേർക്കണമെന്ന് നിരവധി ആരോഗ്യ വിദഗ്ധരും അഭിഭാഷക്കാരും നേരത്തെ ആവശ്യപ്പെട്ടിരുന്നു.
പരിശോധനയിൽ ഈ SMA ചേർക്കാൻ HSEയോട് ആവശ്യപ്പെട്ടതായി ആരോഗ്യമന്ത്രി Stephen Donnelly അറിയിച്ചു. National Screening Advisory Committee യുടെ ശുപാർശയെ തുടർന്നാണ് നടപടി. SMAയ്ക്കുള്ള പരിശോധന കൂട്ടിച്ചേർക്കണമെന്ന് അഭ്യർത്ഥിച്ച് HSEക്ക് കത്തെഴുതിയതായി ഡോണലി പറഞ്ഞു. സുപ്രധാനമായ ഒട്ടേറെ നടപടികൾ സ്വീകരിക്കേണ്ടതുണ്ടെന്നും അടുത്ത വർഷത്തോടെ ഈ വ്യവസ്ഥ പട്ടികയിൽ ഉൾപ്പെടുത്താനാകുമെന്നാണ് പ്രതീക്ഷയെന്നും മന്ത്രി പറഞ്ഞു.
എസ്എംഎ ഒരു ഡീജനറേറ്റീവ് രോഗമാണ്. ഇതിന്റെ ഏറ്റവും രൂക്ഷമായ ഘട്ടം SMA Type I ആണ്. ചികിത്സയും വെന്റിലേറ്ററി പിന്തുണയും ഇല്ലെങ്കിൽ, SMA Type 1 ബാധിച്ച 90% കുട്ടികളും രണ്ട് വയസ്സിന് മുമ്പ് മരണപ്പെടും. അയർലണ്ടിൽ ഓരോ വർഷവും ആറ് കുഞ്ഞുങ്ങൾക്ക് SMA രോഗം ബാധിക്കുന്നുണ്ട്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
