Babet കൊടുങ്കാറ്റിനെ തുടർന്ന് ശക്തമായ മഴയ്ക്ക് സാധ്യതയുള്ളതിനാൽ ഇന്ന് രാവിലെ മുതൽ കോർക്ക്, കെറി, വാട്ടർഫോർഡ് കൗണ്ടികളിൽ സ്റ്റാറ്റസ് ഓറഞ്ച് അലേർട്ട് പ്രാബല്യത്തിൽ വന്നു. കനത്ത മഴയും കിഴക്ക് മുതൽ തെക്ക് കിഴക്ക് വരെ വീശിയടിക്കുന്ന കാറ്റും പ്രാദേശികമായ വെള്ളപ്പൊക്കത്തിനും ഡ്രൈവിംഗ് ബുദ്ധിമുട്ടുകൾക്കും ഉയർന്ന വേലിയേറ്റത്തിൽ തിരമാലകൾ മറികടക്കുന്നതിനും കാരണമാകുമെന്ന് മെറ്റ് ഐറിയൻ പറഞ്ഞു. ചൊവ്വാഴ്ച രാവിലെ 6 മുതൽ ബുധനാഴ്ച ഉച്ചയ്ക്ക് 1 വരെയാണ് മുന്നറിയിപ്പ്.
അതേസമയം, ക്ലെയർ, ലിമെറിക്ക്, ടിപ്പററി, കിൽകെന്നി, വെക്സ്ഫോർഡ് എന്നിവിടങ്ങളിൽ യെല്ലോ മഴ അലെർട്ടും, Connachtന് പ്രത്യേക മഴ മുന്നറിയിപ്പും നൽകിയിട്ടുണ്ട്. ചൊവ്വാഴ്ച രാവിലെ ആറ് മുതൽ ബുധനാഴ്ച ഉച്ചയ്ക്ക് ഒരു മണി വരെയാണ് ആദ്യ മുന്നറിയിപ്പ്. അതേസമയം, Connachtനുള്ള മുന്നറിയിപ്പ് ചൊവ്വാഴ്ച ഉച്ചയ്ക്ക് 12 മുതൽ ബുധനാഴ്ച ഉച്ചയ്ക്ക് 1 വരെയാണ്. നഗരത്തിലുടനീളം വെള്ളപ്പൊക്കം ഉണ്ടാകാൻ സാധ്യതയുണ്ടെന്ന് കോർക്ക് സിറ്റി കൗൺസിലിലെ ഓപ്പറേഷൻസ് ഡയറക്ടർ ഡേവിഡ് ജോയ്സ് പറഞ്ഞു.ഇന്ന് വൈകുന്നേരം 7.50 നും നാളെ രാവിലെ 8.10 നും രണ്ട് ഉയർന്ന വേലിയേറ്റങ്ങളുണ്ടെന്നും അദ്ദേഹം കൂട്ടിച്ചേർത്തു.
ഇന്ന് രാവിലെ മൺസ്റ്ററിലുടനീളവും, ഉച്ചതിരിഞ്ഞ് രാജ്യത്തിന്റെ മറ്റ് ഭാഗങ്ങളിൽ മഴ വ്യാപിക്കും. ഏറ്റവും ഉയർന്ന താപനില 9 മുതൽ 14 ഡിഗ്രി വരെയാകും. നാളെ രാവിലെ 6 മണി മുതൽ വ്യാഴാഴ്ച ഉച്ചയ്ക്ക് 12 മണി വരെ Antrim, Armagh, Down എന്നിവിടങ്ങളിൽ യെല്ലോ മുന്നറിയിപ്പ് നൽകിയിട്ടുണ്ട്, കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ബുധനാഴ്ച കാലാവസ്ഥ മേഘാവൃതമായിരിക്കും, വ്യാപകമായ മഴയ്ക്കും സാധ്യതയുണ്ട്. 12 മുതൽ 16 ഡിഗ്രി വരെയാകും ഉയർന്ന താപനില.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://whatsapp.com/channel/0029Va4AM6UElagtUTDuQQ0S