മാഡ്രിഡ്: കോവിഡ് കാലത്തെ ഇടവേളക്ക് ശേഷം കളി തുടങ്ങിയപ്പോൾ സ്പാനിഷ് ലീഗിൽ ബാഴ്സലോണക്ക് മിന്നും ജയം. ലയണൽ മെസ്സിയുടെ പ്രകടന മികവിൽ മേലാർക്കയെ 4-0 ന് തകർത്താണ് ഇടവേളക്ക് ശേഷമുള്ള തുടക്കം ടീം ആഘോഷിച്ചത്.
ഒരു ഗോളടിക്കുകയും രണ്ട് ഗോളുകളിലേക്ക് വഴി തുറക്കുകയും ചെയ്ത മെസ്സിയുടെ കാലുകളിലായിരുന്നു കളി നിയന്ത്രണം. പേശി വേദനയടക്കമുള്ള പ്രശ്നങ്ങളിൽ വലയുകയായിരുന്ന മെസ്സി കളിക്കളത്തിൽ അമ്പരപ്പിക്കുന്ന പ്രകടനമാണ് പുറത്തെടുത്തത്.