സിഡ്നി: ഓസ്ട്രേലിയയുടെ മുൻ താരവും ഇപ്പോൾ കമന്റേറ്ററുമായ മൈക്കൽ സ്ലേറ്ററിനെ ഗാർഹിക പീഡനക്കേസുമായി ബന്ധപ്പെട്ട് പൊലീസ് അറസ്റ്റ് ചെയ്തതായി റിപ്പോർട്ട്. സിഡ്നിയിലെ വസതിയിൽനിന്നാണ് താരത്തെ അറസ്റ്റ് ചെയ്തത്. കഴിഞ്ഞയാഴ്ച സംഭവിച്ച ചില സംഭവവികാസങ്ങളുടെ പേരിലാണ് അറസ്റ്റെന്ന് ന്യൂസൗത്ത് വെയ്ൽസ് പൊലീസ് സ്ഥിരീകരിച്ചു.
ഓസ്ട്രേലിയൻ ക്രിക്കറ്റിന്റെ പ്രതാപകാലത്ത് ദേശീയ ടീമിലെ സ്ഥിരം സാന്നിധ്യമായിരുന്നു ഓപ്പണറായ മൈക്കൽ സ്ലേറ്റർ. 1993 മുതൽ 2001 വരെയുള്ള കാലയളവിൽ ഓസീസ് ജഴ്സിയിൽ 74 ടെസ്റ്റുകൾ കളിച്ചു. വിരമിച്ചതിനുശേഷം കമന്റേറ്റർ എന്ന നിലയിലും പേരെടുത്തു. ഓസ്ട്രേലിയയിൽ ചാനൽ സെവന്റെ ഭാഗമായിരുന്ന സ്ലേറ്റർ കഴിഞ്ഞയാഴ്ചയാണ് അവിടം വിട്ടത്.
