കോഴിക്കോട്: സോളാര് തട്ടിപ്പു കേസില് രണ്ടാം പ്രതി സരിത എസ്. നായര്ക്ക് ആറ് വര്ഷം കഠിന തടവും 40,000 രൂപ പിഴയും ശിക്ഷ വിധിച്ചു. സോളാര് പാനല് സ്ഥാപിക്കാന് കോഴിക്കോട് സ്വദേശി അബ്ദുള് മജീദില് നിന്ന് സരിതയും ബിജു രാധാകൃഷ്ണനും 42,70,000 രൂപ വാങ്ങി വഞ്ചിച്ചെന്നാണ് കേസ്. മൂന്നാം പ്രതി മണിമോനെ കോടതി വെറുതെ വിട്ടിരുന്നു.
സരിതയ്ക്കെതിരെ ചുമത്തിയ ചതി, വഞ്ചന, ഗൂഢാലോചന, ആള്മാറാട്ടം എന്നി കുറ്റങ്ങള് തെളിഞ്ഞതായി കോടതി കണ്ടെത്തി. വീട്ടിലും ഓഫിസിലും സോളാര് പാനല് സ്ഥാപിക്കാമെന്നു പറഞ്ഞാണ് സോളാര് കമ്പനിയുടെ പേരില് കോഴിക്കോട് സ്വദേശി അബ്ദുള് മജീദില് നിന്നും 42.7 ലക്ഷം രൂപ വാങ്ങിയത്.
കേസില് നിരന്തരമായി കോടതിയില് ഹാജരാവാത്തതിനെത്തുടര്ന്നാണ് കഴിഞ്ഞയാഴ്ച സരിതയെ കസബ പൊലീസ് അറസ്റ്റ് ചെയ്തിരുന്നത്.