കൊച്ചി: കേന്ദ്രത്തിന്റെ വാക്സിന് നയത്തിനെതിരായ ഹരജിയില് ഭാരത് ബയോടെക്, സെറം ഇൻസ്റ്റിറ്റ്യൂട്ട് എന്നിവർക്ക് നോട്ടീസ് അയച്ച് ഹൈക്കോടതി. വിഷയം സുപ്രീം കോടതിയുടെ പരിഗണനയിലായതിനാല് ഉത്തരവ് പറയുന്നില്ലെന്ന് കോടതി വ്യക്തമാക്കി.
എം.കെ. മുനീര് എം.എല്.എ, ഓള് ഇന്ത്യ ലോയേഴ്സ് യൂണിയന് സംസ്ഥാന സെക്രട്ടറി സി.പി. പ്രമോദ് തുടങ്ങിയവരാണ് വാക്സിന് വിതരണത്തിലെ അപാകതകള് പരിഹരിക്കണമെന്ന് ആവശ്യമുന്നയിച്ച് പൊതുതാത്പര്യ ഹരജി നല്കിയത്.
ഒരേ വാക്സിന് വിത്യസ്ത വില ഈടാക്കുന്നത് വിവേചനമാണെന്നും കൊറോണ വ്യാപനം രൂക്ഷമാകുന്ന സാഹചര്യത്തിൽ വാക്സിൻ വില നിയന്ത്രിക്കുവാനാവശ്യമായ നടപടികൾക്ക് കോടതി നിർദ്ദേശം നൽകണമെന്നും ഹർജിയിലുണ്ട്.