വാഷിംഗ്ടൺ ഡിസിയിലെ യുഎസ് ക്യാപിറ്റൽ കോംപ്ലക്‌സിൽ കാര്‍ ഇടിച്ച് കയറ്റാന്‍ ശ്രമിച്ച അക്രമിയെ പൊലീസ് വെടിവച്ച് കൊന്നു. സംഭവത്തിൽ ഒരു പോലീസ് ഉദ്യോഗസ്ഥൻ കൊല്ലപ്പെടുകയും മറ്റൊരാൾക്ക് പരിക്കേൽക്കുകയും ചെയ്തതായാണ് റിപ്പോർട്ട്.
അക്രമി കാര്‍ ഇടിച്ചു കയറ്റിയ ശേഷം കത്തിയുമായി പുറത്തിറങ്ങി. കാര്‍ തടയാന്‍ ശ്രമിച്ച ഉദ്യോഗസ്ഥന്‍ യുവാന്‍സ് ആണ് മരിച്ചത്. മറ്റൊരു പൊലീസുകാരനെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചു. പോലീസ് ഉദ്യോഗസ്ഥന്റെ മരണത്തിൽ താൻ നടുങ്ങിപ്പോയതായി യുഎസ് പ്രസിഡന്റ് ജോ ബിഡൻ പറഞ്ഞു.
ജനുവരിയിലെ ആക്രമണത്തെത്തുടർന്ന്, ക്യാപിറ്റൽ കോംപ്ലക്സ് പൂട്ടിയിട്ടിരിക്കുകയായിരുന്നു. ജനുവരി 7 ന്, മുൻ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ നൂറുകണക്കിന് അനുയായികൾ ക്യാപിറ്റൽ സമുച്ചയത്തിൽ അതിക്രമിച്ചു കയറി. അക്രമത്തിൽ അഞ്ച് പേർ മരിക്കുകയും, 68 പേരെങ്കിലും അറസ്റ്റിലാവുകയും ചെയ്തു. സംഭവത്തെത്തുടർന്ന് നിരവധി വൈറ്റ് ഹൗസ് ഉദ്യോഗസ്ഥർ രാജി നൽകി
