കൊച്ചി: ഒടിടി റിലീസിന് തൊട്ടുപിന്നാലെ ദൃശ്യം-2 വ്യാജ പതിപ്പ് ടെലിഗ്രാമില്. അർദ്ധരാത്രിയോടുകൂടിയാണ് ആമസോണ് പ്രൈമിൽ ചിത്രം റിലീസ് ചെയ്തത്. ഇതിനു പിന്നാലെ രണ്ട് മണിക്കൂറിനുള്ളില് ടെലിഗ്രാമില് ചിത്രമെത്തി.
നിരവധി ആളുകള് ചിത്രം ടെലിഗ്രാമിലൂടെ കണ്ടെന്നാണ് റിപ്പോർട്ട്. ആമസോണ് പ്രൈം ചോര്ച്ചയ്ക്ക് എതിരെ നിയമനടപടികള് സ്വീകരിക്കും. 2011 ല് റിലീസ് ചെയ്ത ദൃശ്യത്തിന്റെ രണ്ടാംഭാഗമാണ് ദൃശ്യം 2.
മോഹന്ലാല്, മീന, എസ്തേര്, അന്സിബ, ആശ ശരത്, സിദ്ദീഖ് എന്നീ ദൃശ്യത്തിന്റെ ആദ്യ കാസ്റ്റ് തന്നെയാണ് രണ്ടാം ഭാഗത്തിലും പ്രധാന വേഷത്തിലെത്തുന്നത്. മുരളി ഗോപിയാണ് പ്രധാന വേഷത്തിലെത്തുന്ന പുതിയ താരം. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.
