കൊവിഡ് വ്യാപനം രൂക്ഷമായ പശ്ചാത്തലത്തിൽ തമിഴ്നാട്ടിലും ലോക്ക്ഡൗണ് പ്രഖ്യാപിച്ചു. മെയ് പത്ത് മുതല് 24 വരെയാണ് ലോക്ക്ഡൗണ് പ്രഖ്യാപിച്ചിരിക്കുന്നത്. സംസ്ഥാനത്ത് ഏറ്റവും ഉയർന്ന കോവിഡ് കണക്കുകൾ റിപ്പോർട്ട് ചെയ്തതിന് പുറകെയാണ് പുതിയ തീരുമാനവുമായി സർക്കർ രംഗത്തെത്തിയിരിക്കുന്നത്.
അടിയന്തര ആവശ്യങ്ങള്ക്ക് അല്ലാത്ത സംസ്ഥാനാന്തര യാത്രകള്ക്ക് തമിഴ്നാട്ടില് വിലക്ക് ഏര്പ്പെടുത്തി. തമിഴ്നാട് അതിര്ത്തി കടന്നെത്തുന്ന സ്വകാര്യവാഹനങ്ങളും തടയും. വെള്ളിയാഴ്ച്ച മാത്രം തമിഴ്നാട്ടിൽ 26,465 പേർക്കാണ് കോവിഡ് രോഗബാധ സ്ഥിരീകരിച്ചിരിക്കുന്നത്. ഇതോട് കൂടി തമിഴ്നാട്ടിൽ ആകെ രോഗം ബാധിച്ചവരുടെ എണ്ണം 13,23,965 ആണ്.
കേരളത്തിൽ ഇന്ന് മുതല് സമ്പൂര്ണ ലോക്ഡൗണ് നിലവില് വന്നു. പൊലീസ് രാവിലെ തന്നെ പരിശോധന തുടങ്ങി. അത്യാവശ്യ കാര്യങ്ങള്ക്ക് പുറത്ത് പോകാന് പൊലീസ് പാസ് നല്കുമെന്നാണ് റിപ്പോർട്ട്.