ചെന്നൈ: കോൺഗ്രസ് നേതാവ് രാഹുൽ ഗാന്ധി യുവാക്കളിൽ ദേശവിരുദ്ധ ചിന്തകൾ ഉണ്ടാക്കുന്നു ആയതിനാൽ രാഹുലിനെ തെരഞ്ഞെടുപ്പ് പ്രചാരണ പ്രവർത്തനങ്ങളിൽ നിന്ന് വിലക്കണമെന്ന് ബിജെപി തെരഞ്ഞെടുപ്പ് കമ്മീഷന് പരാതി നൽകി. രാഹുലിനെതിരെ എഫ്‌ഐആര്‍ രജിസ്റ്റര്‍ ചെയ്യാനും തമിഴ്‌നാട്ടിലെ ബിജെപി തെരഞ്ഞെടുപ്പ് സമിതി നിര്‍ദ്ദേശിച്ചു.
തമിഴ്‌നാട് ബിജെപി തെരഞ്ഞെടുപ്പ് ഘടകത്തിന് വേണ്ടി വി.ബലചന്ദ്രന്‍ ആണ് തെരഞ്ഞെടുപ്പ് കമ്മീഷന് പരാതി നല്‍കിയത്. രാജ്യദ്രോഹം അടക്കമുള്ള വകുപ്പുകള്‍ ചുമത്തി രാഹുലിനെതിരെ കേസെടുക്കണമെന്നും പരാതിയിൽ ആവശ്യപ്പെടുന്നുണ്ട്.
കന്യാകുമാരി ജില്ലയിലെ മുളകും മൂട് സെന്റ് ജോസഫ് മെട്രിക് സ്‌കൂളില്‍ നടത്തിയ സന്ദർശനത്തിൽ സ്വാതന്ത്ര്യം ലഭിക്കുന്നതിന് മുന്‍പുള്ള സാഹചര്യമാണ് ഇന്ത്യയിൽ ഇപ്പോഴുള്ളതെന്ന് രാഹുൽ പറഞ്ഞിരുന്നു. ഇങ്ങനെയൊരു സാഹചര്യത്തിൽ യുവതലമുറ ബ്രിട്ടീഷ് ഭരണത്തിനെതിരെ നടത്തിയത് പോലെയുള്ള സമരങ്ങൾക്ക് തയ്യാറാകണം എന്നായിരുന്നു രാഹുലിൻ്റെ പരാമർശം. ഇതേ തുടർന്നാണ് ബിജെപി രാഹുലിനെതിരെ തെരഞ്ഞെടുപ്പ് കമ്മീഷന് പരാതി നൽകി
