ന്യൂഡല്ഹി: രാജ്യത്ത് ആകെ കൊറോണ ബാധിതര് 14,378 ആയി. കഴിഞ്ഞ 24 മണിക്കൂറിനിടെ 43 പേരാണ് കൊറോണ ബാധയെ തുടര്ന്ന് മരിച്ചത്. ആകെ മരണ സംഖ്യ 480ആയി. രോഗമുക്തി നേടിയവരുടെ എണ്ണം 1992 ആയി,ആകെ രോഗമുക്തി നേടിയവര് 13.85 ശതമാനമാണ്.
ആകെ കൊറോണ വൈറസ് ബാധിച്ചവരില് 4291 തബ്ലിഗ് ജമാഅത്തിന്റെ നിസാമുദ്ദീന് സമ്മേളനവുമായി ബന്ധമുണ്ടെന്നും
ആരോഗ്യ മന്ത്രാലയ ജോയിന്റ് സെക്രട്ടറി ലവ് അഗര്വാള് പറഞ്ഞു. കേന്ദ്ര ഭരണ പ്രദേശങ്ങളും സംസ്ഥാനങ്ങളുമായി 23 ഇടത്ത് നിസാമുദ്ദീന് സമ്മേളനത്തില് പങ്കെടുത്തവരില് രോഗബാധ സ്ഥിരീകരിച്ചിട്ടുണ്ട്.
തമിഴ് നാട്ടില് 84 ശതമാനം കേസുകളും ഡല്ഹിയിലും 63 ശതമാനം കേസുകളും തെലങ്കാനയിലെ 79 ശതമാനം കേസുകളും ഉത്തര് പ്രദേശില് 59 ശതമാനം കേസുകളും ആന്ധ്രാപ്രദേശില് 61 ശതമാനം കേസുകളും തബ്ലിഗ് സമ്മേളനവുമായി ബന്ധപെട്ടതാണെന്നും ലവ് അഗര്വാള് വ്യക്തമാക്കി.
രാജ്യത്ത് കോവിഡ് 19 മരണനിരക്ക് ഏകദേശം 3.3 ശതമാനമാണ്,അതേസമയം രാജ്യത്തെ 23 സംസ്ഥാനങ്ങളിലായി 47 ജില്ലകളില് സ്ഥിതി ആശാവഹമാണെന്നും ലവ് അഗര്വാള് വ്യക്തമാക്കി.
പുതുച്ചേരിയിലെ മാഹി,കര്ണാടകയിലെ കുടക് എന്നിവിടങ്ങളില് കഴിഞ്ഞ 28 ദിവസത്തിനിടെ ഒരു കൊറോണ വൈറസ് ബാധ പോലും റിപ്പോര്ട്ട് ചെയ്യപെട്ടിട്ടില്ല എന്നും അദ്ധേഹം അറിയിച്ചു.
45 ജില്ലകളില് 14 ദിവസത്തിനിടെ പുതിയതായി കൊറോണ വൈറസ് ബാധ റിപ്പോര്ട്ട് ചെയ്യപെട്ടിട്ടില്ല എന്നും അദ്ധേഹം പറഞ്ഞു.