ടോക്യോ ഒളിംപിക്സിൽ വെള്ളി മെഡൽ ജേതാവായ മിരാബായ് ചാനുവിന് ജീവിതകാലം മുഴുവൻ പിറ്റ്സ സൗജന്യമായി നൽകുമെന്ന് പ്രഖ്യാപിച്ച് ഡൊമിനോസ് ഇന്ത്യ. ഡൊമിനോസ് ഇംഫാൽ ടീമിന് അവളുടെ കുടുംബത്തിനും പ്രിയപ്പെട്ടവർക്കും പിസ്സ ലഭിച്ചു. ചിത്രങ്ങൾ സോഷ്യൽ മീഡിയയിൽ പങ്കിട്ടു.
ടോക്കിയോ ഒളിമ്പിക്സിൽ മിറാബായ് ചാനു ഭാരോദ്വഹനത്തിലാണ് ഇന്ത്യക്ക് വെള്ളി മെഡൽ നേടി തന്നത്. പരിശീലനത്തിന്റെ ഭാഗമായി ചാനു കഴിഞ്ഞ നാല് വർഷമായി സാലഡുകൾ മാത്രമാണ് കഴിച്ചിരുന്നത്. നേട്ടം കൈവരിച്ചതിന് പിന്നാലെ ഇന്റർവ്യൂവിൽ ഐസ്ക്രീം, കേക്ക് പോലെ എന്തെങ്കിലും കഴിക്കാൻ ആഗ്രഹിക്കുന്നുണ്ടോ എന്ന ചോദ്യത്തിനാണ് മീരാബായ് ചാനു ആദ്യം പിറ്റ്സ കഴിക്കണമെന്ന് മറുപടി നൽകിയത്.
തുടർന്നാണ് ഡോമിനോസ് ചാനുവിനെ അഭിനന്ദിച്ചു കൊണ്ട് ജീവിതകാലം മുഴുവൻ ചാനുവിന് പിറ്റ്സ സൗജന്യമായി നൽകുമെന്ന വിവരം ട്വിറ്ററിലൂടെ അറിയിച്ചത്.
