വാഷിങ്ടൻ: യുക്രെയ്ൻ പ്രതിസന്ധി ചർച്ച ചെയ്യാൻ യുഎസ് പ്രഡിഡന്റ് ജോ ബൈഡൻ പോളണ്ടിലേക്ക്. വെള്ളിയാഴ്ച പോളണ്ട് പ്രസിഡന്റ് ആന്ദ്രേയ് ദൂദയുമായി ബൈഡൻ ചർച്ച നടത്തും. യുക്രെയ്നിൽ റഷ്യയുടെ ഏകപക്ഷീയമായ ആക്രമണവും മനുഷ്യാവകാശ ലംഘനങ്ങളും ചർച്ച ചെയ്യും. നാറ്റോ, ജി 7 യുറോപ്യൻ യൂണിയൻ നേതാക്കളുമായി ബെൽജിയത്തിൽ കൂടിക്കാഴ്ച നടത്തിയ ശേഷമാകും യുക്രെയ്ന്റെ അയൽരാജ്യമായ പോളണ്ടിലെത്തുക.
യുഎസ് വൈസ് പ്രസിഡന്റ് കമലാ ഹാരിസ് ഈ മാസം ആദ്യം പോളണ്ടിലെത്തി ദൂദയുമായി കൂടിക്കാഴ്ച നടത്തിയിരുന്നു. കഴിഞ്ഞ ആഴ്ച പോളണ്ട് പ്രധാനമന്ത്രി മത്തയൂഷ് മോറയവ്സ്കി, ചെക്ക് റിപ്പബ്ലിക് പ്രധാനമന്ത്രി പെട്ര ഫിയല, സ്ലോവേനിയ പ്രധാനമന്ത്രി യാനിസ് യാൻഷ എന്നിവർ യുക്രെയ്നിലെത്തി പ്രസിഡന്റ് വൊളോഡിമിർ സെലെൻസ്കിയുമായി കൂടിക്കാഴ്ച നടത്തിയിരുന്നു.
