പാലക്കാട്; പാലക്കാട് പുതുപ്പള്ളിത്തെരുവിൽ ആറുവയസ്സുകാരനെ അമ്മ കഴുത്തറുത്ത് കൊലപ്പെടുത്തി. ഇന്ന് പുലര്ച്ചെ നാലുമണിയോടെയാണ് സംഭവം നടന്നത്. പുതുപ്പള്ളിത്തെരുവ് സ്വദേശി ഷാഹിദ(31) യാണ് മകൻ ഷാഹിദിനെ കഴുത്തറുത്ത് കൊന്നത്. കൊലപ്പെടുത്തിയ ശേഷം പ്രതി തന്നെയാണ് താൻ മകനെ കൊലപ്പെടുത്തിയ വിവരം പോലീസിനെ വിളിച്ചറിയിച്ചത്.
മകനെ കൊന്നത് ദൈവത്തിനുവേണ്ടിയാണെന്ന് പ്രതി പൊലീസിനോട് പറഞ്ഞതായാണ് റിപ്പോർട്ട്. മൂന്നു മാസം ഗർഭിണിയായ ഷാഹിദയുടെ മൂന്നാമത്തെ മകനാണ് ഷാഹിദ്. ഇവരെ പാലക്കാട് സൗത്ത് പൊലീസ് കസ്റ്റഡിയിലെടുത്തിട്ടുണ്ട്.