കൊവിഡ് വ്യാപനം കൂടുന്ന സാഹചര്യത്തില് സംസ്ഥാനത്ത് കൊവിഡ് ജാഗ്രത നടപടികൾ കർശനമാക്കുന്നു. നാളെ മുതൽ പൊലീസ് പരിശോധന വ്യാപകമാക്കും. മാസ്ക്, സാമൂഹിക അകലം എന്നിവ നിര്ബന്ധമാക്കും. ബുധനാഴ്ച ചേര്ന്ന കൊവിഡ് കോര് കമ്മിറ്റി യോഗത്തിലാണ് തീരുമാനം.
കൊവിഡ് പരിശോധനകളുടെ എണ്ണം കൂട്ടുകയും, വാക്സിനേഷന് ഊര്ജ്ജിതമാക്കുകായും ചെയ്യും. കേരളത്തിലെത്തുന്ന ഇതര സംസ്ഥാനക്കാർക്ക് ഒരാഴ്ച ക്വാറന്റീൻ തുടരും. തെരഞ്ഞെടുപ്പ് കഴിഞ്ഞ സാഹചര്യത്തില് എല്ലാ പോളിങ് ഏജന്റുമാർക്കും പരിശോധന നടത്തണമെന്നും നിർദ്ദേശമുണ്ട്.