ആലപ്പുഴ: രാഷ്ട്രീയ കൊലപാതകം അവസാനിപ്പിക്കാന് ആരുടെ കാല് പിടിക്കാനും തയ്യാറാണെന്ന് സുരേഷ് ഗോപി എംപി മാധ്യമപ്രവര്ത്തകരോട് പ്രതികരിച്ചു. ആലപ്പുഴയില് കൊല്ലപ്പെട്ട ബിജെപി നേതാവ് രഞ്ജിത്ത് ശ്രീനിവാസന്റെ വീട് സന്ദര്ശന വേളയിലാണ് സംഭവം. എന്ത് മതമായാലും എന്ത് രാഷ്ട്രീയമായാലും ഓരോ കൊലപാതകവും ഒരു പ്രദേശത്തിന്റെ സമാധാനം തകര്ക്കുന്നത് ഒരു രാജ്യത്തിന്റെ വളര്ച്ചയെയാണ് ബാധിക്കുന്നതെന്നും അദ്ദേഹം ചൂണ്ടിക്കാട്ടി.
വളര്ന്നു വരുന്ന കുഞ്ഞുങ്ങള്, അവരുടെ മനോനില, നഷ്ടപ്പെട്ടവരുടെ ആള്ക്കാരുടെ കുഞ്ഞുങ്ങള് മാത്രമല്ല സമൂഹത്തിലെ കുഞ്ഞുങ്ങളുടെ മനസില് കളങ്കമായി അവരെ ഒരു മോശപ്പെട്ട സംസ്കാരത്തിലേക്ക് വലിച്ചിഴക്കുന്ന തരത്തിലുള്ളതാണ് ഇത്തരം കൊലപാതകങ്ങളെന്നും സുരേഷ് ഗോപി പറഞ്ഞു.