ഖത്തർ ലോകകപ്പ് മത്സരത്തിൽ അർജന്റീനക്കെതിരെ വിജയം നേടിയ സൗദി ഫുട്ബോൾ ടീമിലെ എല്ലാ കളിക്കാർക്കും റോൾസ് റോയ്സ് കാറുകൾ സമ്മാനമായി ലഭിക്കുമെന്ന വാർത്തകൾ ശരിയല്ലെന്നു സൗദി താരം സ്വാലിഹ് അൽ ഷഹരി. രാജ്യത്തിനു വേണ്ടിയാണ് തങ്ങൾ കളിക്കുന്നതെന്നും അദ്ദേഹം വ്യക്തമാക്കി.
അർജന്റീനക്കെതിരായ മത്സരത്തിൽ അട്ടിമറി വിജയം നേടിയ സൗദി ടീമിലെ മുഴുവൻ കളിക്കാർക്കും റോൾസ് റോയ്സ് ഫാന്റം കാറുകൾ സമ്മാനിക്കുമെന്നു കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ പ്രഖ്യാപിച്ചതായി സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്.ഇതുമായി ബന്ധപ്പെട്ട് മാധ്യമപ്രവർത്തകൻ ഉന്നയിച്ച ചോദ്യത്തിന് മറുപടിയായാണ് ഷഹി കാര്യം വ്യക്തമാക്കിയത്.