ദോഹ: ലോകകപ്പ് ഫൈനല് എന്നാല് അര്ജന്റീന നായകന് ലിയോണല് മെസി മാത്രം മത്സരിക്കുന്ന പോരാട്ടമല്ലെന്ന് ഫ്രാന്സ് ഫുട്ബോള് ടീം ക്യാപ്റ്റന് ഹ്യഗോ ലോറിസ്. ലോകകപ്പ് ഫൈനലിനെ മെസിയിലേക്ക് മാത്രമായി ചുരുക്കരുതെന്നും മത്സരത്തലേന്ന് വാര്ത്താസമ്മേളനത്തില് ലോറിസ് പറഞ്ഞു.
ലോകകപ്പ് ഫൈനല് എന്നത് ഫുട്ബോളില് മഹത്തായ പാരമ്പര്യമുള്ള രണ്ട് ടീമുകള് തമ്മിലുള്ള പോരാട്ടമാണ്. അത് മെസിയിലേക്ക് മാത്രമായി ചുരുക്കരുത്. മെസിയെപ്പോലൊരു കളിക്കാരന് ഫൈനല് കളിക്കുമ്പോള് സ്വാഭാവികമായും ശ്രദ്ധ മുഴുവന് അദ്ദേഹത്തെ പോലൊരു കളിക്കാരനിലാവും. പക്ഷെ മെസി മാത്രമല്ല ഫൈനലിലുള്ളത്. ഫൈനലില് അര്ജന്റീനക്കെതിരെ വ്യക്തമാ ഗെയിം പ്ലാനോടെയാവും ഫ്രാന്സ് ഇറങ്ങുക.
അര്ജന്റീനയുടെ ഇതുവരെയുള്ള കളിശൈലി ഞങ്ങള് പഠിച്ചുകൊണ്ടിരിക്കുകയാണ്. എത്രയൊക്കെ തയാറെടുത്താലും ചില കാര്യങ്ങള് ശ്രദ്ധിക്കപ്പെടാതെ പോവാം. എങ്കിലും ഏത് സാഹചര്യവുമായും പെട്ടെന്ന് ഇണങ്ങാന് ഞങ്ങള്ക്കാവും. പന്ത് കാല്വശം വെച്ച് കളിക്കാനും പെട്ടെന്നുള്ള കൗണ്ടര് അറ്റാക്കുകളിലൂടെയും അതിവേഗ ഓട്ടക്കാരിലൂടെയും എതിര് ഗോള് മുഖം അക്രമിക്കാനും ഞങ്ങള്ക്കാവും എന്നും ലോറിസ് പറഞ്ഞു.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
https://chat.whatsapp.com/BvzwqMI97baHONxRBIQs88