ബ്രിട്ടനിലെ റെഡിച്ചിൽ മലയാളി നേഴ്സ് ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കോട്ടയം ജില്ലയിലെ പൊൻകുന്നം ചിറക്കടവ് ഓലിക്കൽ ഷീന കൃഷ്ണൻ (43) ആണ് മരിച്ചത്. ഭർത്താവ് അരമനകര ബൈജുവിനും 2 മക്കൾക്കുമൊപ്പം റെഡിച്ചിൽ താമസിച്ചു വരികയായിരുന്നു ഷീന കൃഷ്ണൻ.
പനിയെ തുടർന്ന് ഹൃദയാഘാതം മൂലം ശനിയാഴ്ച രാത്രി മരിച്ചു എന്നാണ് ആദ്യം നാട്ടിലെ ബന്ധുക്കളെ വിളിച്ച് അറിയിച്ചത്. ബൈജുവിന്റെ കൂട്ടുകാർ ആണ് നാട്ടിലുള്ളവരെ വിവരം അറിയിച്ചത്. പിന്നീട് മരണം ആത്മഹത്യ ആണെന്നും അറിയിച്ചു.
ഇതോടെ ഷീനയുടെ മരണത്തിൽ ദുരൂഹത ആണെന്നും ഇതേപ്പറ്റി അന്വേഷിക്കണമെന്നും ബന്ധുക്കാർ ആവശ്യപ്പെട്ടു. കോവിഡ് നിയന്ത്രണങ്ങൾ ഉള്ളതിനാൽ മൃതദേഹം എങ്ങിനെയെങ്കിലും നാട്ടിലെത്തിക്കണം എന്ന് അഭ്യർത്ഥിച്ചുകൊണ്ട് ബന്ധുക്കൾ കേന്ദ്ര മന്ത്രി വി മുരളീധരനും മുഖ്യമന്ത്രി പിണറായി വിജയനും നിവേദനം നൽകിയിട്ടുണ്ടെന്ന് പ്രമുഖ ഓൺലൈൻ മീഡിയ റിപ്പോർട്ട് ചെയ്തു.