ചണ്ഡീഗഡ്: പഞ്ചാബിൽ കോറോണ മുക്തരായവർക്ക് വീണ്ടും കോറോണ സ്ഥിരീകരിച്ചു. മൊഹാലിയിലെ ദേരാ ബസ്സി പട്ടണത്തിലെ പത്തു പേർക്ക് ആണ് വീണ്ടും കോറോണ സ്ഥിരീകരിച്ചത്.
ആശുപത്രി വിടുന്നതിന് മുൻപ് ഇവരുടെയെല്ലാം സ്രവം പരിശോധിച്ചപ്പോൾ നെഗറ്റീവായിരുന്നു. അതിനെ തുടർന്നാണ് ഇവരെ വീട്ടിലേക്ക് അയച്ചത്. കോറോണ രോഗബാധ കാരണം ഇവരെ ജൂൺ മാസത്തിലാണ് ആശുപത്രിയിൽ പ്രവേശിപ്പിച്ചിരുന്നത്.
കോവിഡ് ഭേദമായി ആശുപത്രിയിൽ നിന്ന് ഡിസ്ചാർജ് ചെയ്യുന്നവർ ഒരാഴ്ച വീടുകളിൽ quarantine ൽ ആയിരിക്കണമെന്നത് നിർബന്ധമാണെന്നും ആ സമയം വീണ്ടും ഇവർക്ക് പോസിറ്റീവാണെന്ന് കണ്ടെത്തിയാലും ഇവരെ രോഗികളായി പരിഗണിക്കാറില്ലെന്നും മൊഹാലിയിലെ സിവിൽ സർജൻ പറഞ്ഞു.
ഇതിനിടയിൽ പഞ്ചാബിൽ സമ്പൂർണ്ണ lock down പ്രഖ്യാപിച്ചിരുന്നു. ആളുകൾ കൂട്ടം കൂടുന്നതിൽ വിലക്കേർപ്പെടുത്തിയിട്ടുണ്ട്. അതുപോലെ വിവാഹ ചടങ്ങുകളിൽ പങ്കെടുക്കുന്നവരുടെ എണ്ണം 50 ൽ നിന്നും 30 ലേക്ക് ആക്കി. ഇതിൽ കൂടുതൽ ആളുകൾ പങ്കെടുത്താൽ ഓഡിറ്റോറിയങ്ങളുടെ ലൈസൻസ് റദ്ദാക്കുമെന്നും നിർദ്ദേശം നൽകിയിട്ടുണ്ട്.