ഗുജറാത്തിലെ അമ്രേലി ജില്ലയിലെ ഒരു ഗ്രാമത്തിൽ തിങ്കളാഴ്ച പുലർച്ചെ 2.30 ഓടെ ഒരു ട്രക്ക് കുടിലിലേക്ക് ഇടിച്ചുകയറി എട്ട് പേർ മരിച്ചു. മരിച്ചവരിൽ എട്ടും 13 ഉം വയസ്സുള്ള രണ്ട് കുട്ടികളും ഉൾപ്പെടുന്നു, ബധഡ ഗ്രാമത്തിൽ ഉണ്ടായ അപകടത്തിൽ മറ്റ് രണ്ട് കുട്ടികൾക്ക് ഗുരുതരമായി പരിക്കേറ്റിട്ടുണ്ട്.
ട്രക്കിന്റെ ഡ്രൈവർ ഡ്രൈവിംഗിനിടെ ഉറക്കമായതിനെ തുടർന്ന് നിയന്ത്രണം വിട്ട് 10 പേർ ഉറങ്ങുന്ന റോഡരികിലെ കുടിലിലേക്ക് കയറിയതെന്ന് അമ്രേലി പോലീസ് സൂപ്രണ്ട് നിർലിപ്ത് റായ് പറഞ്ഞു. പരുക്കേറ്റ രണ്ടുപേർ ആശുപത്രിയില്‍ ചികിത്സയിലാണ്. ഇവരുടെ ആരോഗ്യനില ഗുരുതരമാണ്.
