കോവിഡ് -19 പാൻഡെമിക് കാരണം ഇന്ത്യയ്ക്ക് ആതിഥേയത്വം വഹിക്കാൻ കഴിയുമോ എന്ന കാര്യത്തിൽ ഇപ്പോഴും അനിശ്ചിതത്വം നിലനിൽക്കുന്നതിനാൽ അടുത്ത വർഷത്തെ ഐസിസി ടി 20 ലോകകപ്പ് ഇന്ത്യയിൽ നിന്ന് മാറ്റണമെന്ന് പാകിസ്താൻ ക്രിക്കറ്റ് ബോർഡ്.
ഇന്ത്യയിൽ ദിനംപ്രതി ആയിരക്കണക്കിന് പുതിയ കോവിഡ് കേസുകൾ റിപ്പോർട്ട് ചെയ്യുന്നു. കൂടാതെ ചില സംസ്ഥാനങ്ങൾ കോവിഡിന്റെ രണ്ടാം തരംഗത്തിന് സാക്ഷ്യം വഹിക്കുകയും ചെയ്യുന്നു, അതുകൊണ്ടു തന്നെ അടുത്ത വർഷം ടൂർണമെന്റ് ആതിഥേയത്വം വഹിക്കാൻ ഇന്ത്യക്ക് കഴിയില്ലെന്നാണ് പിസിബി സിഇഒ ഖാൻ കരുതുന്നത്.
ഐസിസി 2021 ടി 20 ലോകകപ്പിന് ഇന്ത്യ വേദിയാവുമ്പോൾ, 2022ലെ ടി-20 ലോകകപ്പിന് ഓസ്ട്രേലിയ ആതിഥേയത്വം വഹിക്കും. 2023ലെ ഏകദിന ലോകകപ്പിന്റെ വേദിയും ഇന്ത്യയാണ്.